ಕೌಶಿಕ ಹಾಗೂ ತ್ರಿಶಂಕು ಮುನಿಗಳ ಸ್ವರ್ಗದ ಕಥೆ..!

ಒಂದು ದೊಡ್ಡ ಯಾಗ ಆರಂಭವಾಯಿತು. ಆ ಯಾಗದಲ್ಲಿ ಕೌಶಿಕ ಋಷಿಯೇ ಮಂತ್ರಗಳಲ್ಲಿ ನಿಷ್ಠತರಾದ ಶಾಸ್ತ್ರೋಕ್ತವಾದ ರೀತಿಯಲ್ಲಿ ಯಜ್ಞಕಾರ್ಯಗಳನ್ನು ನೆರವೇರಿಸಿದರು. ಜಾಗದ ಕೊನೆಯ ಗಟ್ಟ ಬಂದಿತು. ಆಗ ಕೌಶಿಕ ಮುನಿಯು ಯಾಗದ ಹವಿಭಾರ್ಗವನ್ನು ಸ್ವೀಕರಿಸಲು ಸಮಸ್ತ ದೇವತೆಗಳನ್ನು ಆಹ್ವಾನಿಸಿದನು. ಆದರೆ ಯಾವ ದೇವತೆಯು ಕೌಶಿಕನ ಆಹ್ವಾನಕ್ಕೆ ಬರಲಿಲ್ಲ. ಆದರೂ ಚಿಂತೆಯಿಲ್ಲ. ಇಗೋ ಇದುವರೆಗಿನ ನನ್ನ ತಪಸ್ಸಿನ ಫಲವನ್ನು ನಿನಗೆ ಎರೆಯುತ್ತಿದ್ದೇನೆ. ಇದರ ಪ್ರಭಾವದಿಂದ ನೀನು ಶರೀರಸಹಿತನಾಗಿ ಸ್ವರ್ಗಕ್ಕೆ ಹೋಗು ಎಂದನು.

ಆ ಕೂಡಲೇ ಒಂದು ಅದ್ಭುತ ನಡೆಯಿತು ಅಲ್ಲಿದ್ದ ಮುನಿಗಳು ನೋಡ ನೋಡುತ್ತಿದ್ದಂತೆಯೇ ತ್ರಿಶಂಕು ಭೂಲೋಕದಿಂದ ಸ್ವರ್ಗ ಲೋಕ ಕಡೆಗೆ ಏರಿಕೊಂಡು ಹೋದ. ಸ್ವರ್ಗದ ಬಾಗಿಲು ತಲುಪಿದರು. ಆದರೆ ದೇವಲೋಕದ ರಾಜ ಇಂದ್ರ ತ್ರಿಶಾಂಕುವನ್ನು ಒಳಗಡೆ ಬಿಡಲಿಲ್ಲ. ನೀನು ಗುರು ಪುತ್ರರ ಶಾಪಕ್ಕೆ ಗುರಿಯಾಗಿರುವ ಭ್ರಷ್ಟ. ನಿನಗೆ ಸ್ವರ್ಗದಲ್ಲಿ ಪ್ರವೇಶವಿಲ್ಲ. ಎಂದು ಹೇಳುತ್ತಾ ತ್ರಿಶಂಕುವನ್ನು ಕೆಳಕ್ಕೆ ದಬ್ಬಿ ಬಿಟ್ಟ. ತ್ರಿಶಂಕು ತಲೆ ಕೆಳಗಾಗಿ ಭೂಮಿಯ ಕಡೆ ಬೀಳತೊಡಗಿದ. ಮಹರ್ಷಿಗಳೇ ನನ್ನನ್ನು ಕಾಪಾಡಿ ಕಾಪಾಡಿ ಎಂದು ಕೂಗಿಕೊಂಡ.

ಇತ್ತ ಭೂಲೋಕದಲ್ಲಿದ್ದ ಕೌಶಿಕನಿಗೆ ತ್ರಿಶಂಕುವಿನ ಕೂಗು ಕೇಳಿಸಿತು. ಅವನಿಗೆ ಇಂದ್ರನ ಮೇಲೆ ಅಸಾಧ್ಯ ಕೋಪ ಬಂತು. ಸಿಡಿಲಿನ ಧ್ವನಿಯಲ್ಲಿ ತ್ರಿಶಂಕು ನಿಲ್ಲು ಎಂದು ಕೂಗಿದ. ಆ ಕೂಡಲೇ ಮತ್ತೊಂದು ಅದ್ಭುತ ನಡೆಯಿತು ಕೆಳಗೆ ಬೀಳುತ್ತಿದ್ದ ತ್ರಿಶಂಕು ಭೂಮಿಗೂ ಸ್ವರ್ಗಕ್ಕೂ ನಡುವೆ ಹಾಗೆ ತಲೆಕೆಳಗಾಗಿ ನಿಂತ. ಮಹರ್ಷಿಗಳಿಂದ ಸುತ್ತುವರೆದಿದ್ದ ಕೌಶಿಕ ಇಂದ್ರನ ಮೇಲಿನ ಕೋಪದಿಂದ ನಡುಗುತ್ತಾ ಇಂದ್ರ ಇಗೋ ನನ್ನ ಶಕ್ತಿಯನ್ನು ನೋಡು ನಾನೀಗ ಹೊಸ ಸ್ವರ್ಗವನ್ನೇ ಸೃಷ್ಟಿಸುತ್ತೇನೆ. ಬೇರೊಬ್ಬ ಇಂದ್ರನನ್ನೇ ಹುಟ್ಟಿಸುತ್ತೇನೆ ಎಂದು ಘೋಷಿಸಿದ. ಅಂತರಿಕ್ಷದ ದಕ್ಷಿಣ ದಿಕ್ಕಿನಲ್ಲಿ ಇನ್ನೊಂದು ಸ್ವರ್ಗ ಲೋಕವನ್ನೇ ಸೃಷ್ಟಿಸಿದ. ಅದರಲ್ಲಿ ಹೊಸ ಹೊಸ ದೇವತೆಗಳನ್ನು ಸೃಷ್ಟಿಸಲಾರಂಭಿಸಿದನು.

ಆಗ ದೇವತೆಗಳಿಗೆ ಬಹಳ ಹೆದರಿಕೆಯಾಯಿತು. ಅವರೆಲ್ಲ ಇಂದ್ರನ ಜೊತೆಗೂಡಿ ಕೌಶಿಕನ ಬಳಿಗೆ ಬಂದರು. ಕೌಶಿಕ ನಿನ್ನ ಕೋಪವನ್ನು ಬಿಡು ನಿನ್ನ ಸೃಷ್ಟಿ ಅತ್ಯದ್ಭುತವಾಗಿದೆ. ತ್ರಿಶಂಕು ಈಗ ಇರುವ ಕಡೆಗೆ ಇರಲಿ. ಅವನಿಗೆ ಸ್ವರ್ಗ ಲೋಕದ ಎಲ್ಲಾ ಸುಖ ಸಂತೋಷಗಳು ಅಲ್ಲಿಗೆ ಸಿಗುವಂತೆ ಮಾಡುತ್ತೇವೆ. ನೀನು ಈಗ ಸೃಷ್ಟಿಸಿರುವ ನಕ್ಷತ್ರಗಳು ದೇವತೆಗಳು ಹಾಗೆಯೇ ಇರಲಿ. ಆದರೆ ಹೊಸ ಇಂದ್ರನನ್ನು ಮಾತ್ರ ಸೃಷ್ಟಿಸಬೇಡ ಎಂದು ಪ್ರಾರ್ಥಿಸಿದರು. ಕೌಶಿಕನು ಶಾಂತನಾದ ಹೇಗೋ ತ್ರಿಶಂಕುವಿಗೆ ಸ್ವರ್ಗ ಸಿಕ್ಕಿದಂತಾಗಿತ್ತು. ಅದರಿಂದ ದೇವತೆಗಳ ಪ್ರಾರ್ಥನೆಯಂತೆ ಕೌಶಿಕ ತಾನು ಕೈಗೊಂಡಿದ್ದ ಸೃಷ್ಟಿ ಕಾರ್ಯವನ್ನು ನಿಲ್ಲಿಸಿದ.