ರಕ್ಷಾ ಬಂಧನ ಎಂದರೇನು.? ರಕ್ಷಾ ಬಂಧನ ಹಬ್ಬದ ಮಹತ್ವ ಏನಿರಬಹುದು ಅನ್ನೋದು ನಿಮಗೆ ಗೊತ್ತಾ..!

ಹಿಂದೂ ಸಂಪ್ರದಾಯದ ಮಹತ್ವದ ಹಬ್ಬವಾಗಿರುವ ರಕ್ಷಾಬಂಧನವನ್ನು ಈ ಸಲ ಆಗಸ್ಟ್ 19 ಸೋಮವಾರದಂದು ಆಚರಿಸಲಾಗುತ್ತದೆ. ಈ ತಿಂಗಳು ಶ್ರಾವಣಮಾಸದ ಹುಣ್ಣಿಮೆಗೆ ವಿಶೇಷ ಪ್ರಶಸ್ತ್ಯವಿದ್ದು, ಅತ್ಯಂತ ಶುಭಗಳಿಗೆ ಎಂದು ಪರಿಗಣಿಸಲಾಗಿದೆ. ಈ ರಕ್ಷಾ ಬಂಧನ ಹಬ್ಬವನ್ನು 16ನೇ ಶತಮಾನದಿಂದ ನಡೆಸಿಕೊಂಡು ಬಂದರೂ ಕೂಡ, ಇದರ ಮೂಲ ಮಹಾಭಾರತ ಕಾಲದಿಂದ ಬಂದಿರುವದಾಗಿ ಹಿಂದುಗಳು ನಂಬಲಾಗುತ್ತದೆ. ಈ ರಕ್ಷಾ ಬಂಧನ ಹಬ್ಬವನ್ನು ಮೂಲತ ಶ್ರೀ ಕೃಷ್ಣ ಪರಮಾತ್ಮನೇ ಪ್ರಾರಂಭಿಸಿದ್ದು ಎಂದು ಹೇಳಲಾಗುತ್ತದೆ. ರಕ್ಷಾ ಬಂಧನ ಹಬ್ಬದ ಹಿಂದಿರುವ ಸುಂದರವಾದ ಕಥೆಯನ್ನ ನಾವು ನೀವೆಲ್ಲ ತಿಳಿಯೋಣ.

ಒಮ್ಮೆ ಶ್ರೀ ಕೃಷ್ಣ ಮತ್ತು ಪಾಂಡವರು ಎಲ್ಲಾ ಒಟ್ಟಿಗೆ ಇರುವಂತಹ ಸಂದರ್ಭದಲ್ಲಿ ಶ್ರೀ ಕೃಷ್ಣ ಪರಮಾತ್ಮನು ಗಾಳಿಯಲ್ಲಿ ಗಾಳಿಪಟವನ್ನು ಹಾರಿಸುತ್ತಿದ್ದಾಗ ಆ ಗಾಳಿಪಟದ ದಾರವೂ ಕೃಷ್ಣನ ಬೆರಳಿಗೆ ಗಾಯ ಉಂಟು ಮಾಡಿತು. ಆಗ ಪಾಂಡವರ ಮಡದಿಯಾದ ದ್ರೌಪದಿ ಈ ದೃಶ್ಯವನ್ನು ಕಂಡು ಕೃಷ್ಣನ ಬಳಿಗೆ ಓಡೋಡಿ ಬಂದು ತಾನು ಉಟ್ಟಿರುವ ಸೀರೆಯ ಒಂದು ಭಾಗವನ್ನು ಕತ್ತರಿಸಿ ಕೃಷ್ಣನ ಬೆರಳಿಗೆ ಕಟ್ಟುತ್ತಾಳೆ. ಆಗ ಶ್ರೀ ಕೃಷ್ಣ ಪರಮಾತ್ಮ ಮುಖದಲ್ಲಿ ಮಂದಹಾಸವನ್ನು ಮೂಡಿಸಿ ದ್ರೌಪದಿ ನೀನು ಕಟ್ಟಿರುವ ಬಟ್ಟೆಯ ತುಂಡನ್ನು ನಾನು ರಕ್ಷಾ ಸೂತ್ರವಾಗಿ ಪರಿಗಣಿಸುತ್ತೇನೆ. ಹಾಗೆ ನಿನ್ನ ಎಲ್ಲಾ ಕಷ್ಟದ ಸಮಯದಲ್ಲೂ ಕೂಡ ನಿನ್ನ ಜೊತೆಯಾಗಿ ನಾನಿರುತ್ತೇನೆ ಎಂದು ಕೃಷ್ಣ ದ್ರೌಪದಿಗೆ ಮಾತು ನೀಡುತ್ತಾನೆ. ಇದರಂತೆ ದುರ್ಯೋಧನನ ತಮ್ಮ ದುಶ್ಯಾಸನ, ನೆರೆದಿರುವ ಎಲ್ಲರ ಸಮ್ಮುಖದಲ್ಲಿ ದ್ರೌಪದಿಯ ವಸ್ತ್ರಾಭರಣ ಮಾಡುವ ಸಮಯದಲ್ಲಿ ಕೃಷ್ಣನು ದ್ರೌಪದಿಯನ್ನ ಕಾಪಾಡುತ್ತಾನೆ. ಇದೇ ರೀತಿ ಹಲವಾರು ಸಂದರ್ಭದಲ್ಲಿ ಕೃಷ್ಣ ದ್ರೌಪದಿಯ ಪರವಾಗಿ ಇದ್ದ ಅನ್ನುವುದನ್ನ ಮಹಾಭಾರತ ಕಥೆಯನ್ನು ಓದಿದವರಿಗೆ ಗೊತ್ತೇ ಇರುತ್ತದೆ.