ಆಧುನಿಕ ಜಗತ್ತಿನ ವಿರುದ್ಧ ಹೋರಾಡಿ ತಮ್ಮ ಕಾಡನ್ನು ಉಳಿಸಿಕೊಂಡ ಕಾಡು ಜನರ ಸತ್ಯ ಕಥೆ..!!

ಸರ್ಕಾರದ ಆದೇಶದಂತೆ “ವರೋನಿ” ಆದಿವಾಸಿಗಳಿಗೆ ಇದನ್ನು ತಿಳಿಸಲು ಹೋದ ಕಮಿಟಿಯ ಕೈಗೆ ಆದಿವಾಸಿಗಳು ಸಿಗಲಿಲ್ಲ. ಏಕೆಂದರೆ ಆ ಸಮಯದಲ್ಲಿ ಭೇಟೆ ಆಡಲೆಂದು ಬೃಹತ್ ಅರಣ್ಯದ ಬೇರೆ ಭಾಗಕ್ಕೆ ಅವರು ಹೋಗಿದ್ದರು. ಇದನ್ನೇ ಲಾಭವನ್ನಾಗಿ ಪಡೆದುಕೊಂಡ ಅಲ್ಲಿನ ಸರ್ಕಾರ ಕಾಡಿನ ಜನರ ಅಪ್ಪಣೆ ಇಲ್ಲದೆ ಅವರುಗಳು ವಾಸವಿರುವ ಅರಣ್ಯ ಪ್ರದೇಶವನ್ನು ನಾಶ ಮಾಡಿ ಅಲ್ಲಿ ತೈಲ ಹೊರತೆಗೆಯುವ ಕೆಲಸಕ್ಕೆ ಮುಂದಾಯಿತು. ಅಷ್ಟರಲ್ಲಾಗಲೇ ಈ ಸುದ್ದಿಯು ಆ ಆದಿವಾಸಿಗಳಿಗೆ ತಿಳಿಯಿತು. ತಾವು ವಾಸವಿರುವ ಜಾಗವನ್ನು ಹೇಗಾದರು ಮಾಡಿ ಉಳಿಸಿಕೊಳ್ಳಬೇಕೆಂದು ಆ ಕಾಡಿನ ಜನರು ತೀರ್ಮಾನಿಸಿದರು. ಇದಕ್ಕೂ ಮೊದಲು ರಸ್ತೆ ಕಾಮಗಾರಿ ಮತ್ತು ಅಬಿವೃದ್ದಿಯ ಹೆಸರಲ್ಲಿ ತಾವು ವಾಸಿಸುತ್ತಿರುವ ಕಾಡಿನ ಭಾಗವನ್ನು ಕಳೆದುಕೊಂಡಿದ್ದ ಈ ಆದಿವಾಸಿಗಳಿಗೆ ನಗರದಲ್ಲಿ ವಾಸವಿರುವ ಜನರ ಮೇಲೆ ನಂಬಿಕೆ ಹೋಗಿತ್ತು. ಆದ್ದರಿಂದ ಹೇಗಾದರು ಮಾಡಿ ಹೋರಾಡಿ ತಾವಿರುವ ಕಾಡನ್ನು ಉಳಿಸಿಕೊಳ್ಳಬೇಕೆಂದು ತೀರ್ಮಾನಿಸಿದರು. ಆಗ ಆ ಆಧಿವಾಸಿಗಳ ಕೆಲ ಜನರು ಶಕ್ತಿಯಿಂದ ಹೋರಾಡಿದರೆ ನಾವು ಗೆಲ್ಲಲು ಸಾಧ್ಯವಿಲ್ಲ ಯುಕ್ತಿಯಿಂದ ಹೋರಾಡಿ ಗೆಲ್ಲಬೇಕು ಎಂದು ಗುಂಪಿನ ನಾಯಕರಿಗೆ ಸಲಹೆ ನೀಡಿದರು. ಆಗ ಅವರು ನಗರದಲ್ಲಿರುವ ಕೆಲ ಜನರ ಬಳಿ ಹೋಗಿ ತಮ್ಮ ಸಮಸ್ಯೆ ಹೇಳಿಕೊಳ್ಳೋಣ ಅವರುಗಳು ಏನಾದರು ಸಹಾಯ ಮಾಡುತ್ತಾರೆಯೇ ಎಂದು ನೋಡೋಣ ಎಂದು ತೀರ್ಮಾನಿಸಿದರು. ಆಗ ನಗರದ ಕೆಲ ಜನರ ಬಳಿ ಹೋದ ಈ ಕಾಡು ಜನರು ಅವರ ಕಷ್ಟ ಹೇಳಿಕೊಂಡು ಸಹಾಯ ಕೇಳಿದರು. ಇದನ್ನು ಕೇಳಿದ “ಎಕುಎಡರ್” ದೇಶದ ಜನರು ಒಬ್ಬರಾಗಿ ಅವರಿಗೆ ಸಹಾಯ ಮಾಡಲು ಮುಂದೆ ಬರತೊಡಗಿದರು. ಈ ವಿಷಯ ಅದೆಷ್ಟು ವೇಗವಾಗಿ ದೇಶದೆಲ್ಲೆಡೆ ಹಬ್ಬಿತೆಂದರೆ ದೇಶದ ಅರ್ಧದಷ್ಟು ಜನರು ಇವರಿಗೆ ಸಹಾಯ ಮಾಡಲು ಮುಂದೆ ಬಂದರು. ಇದನ್ನು ಕಂಡು ಆಧಿವಾಸಿಗಳು ನಗರದಲ್ಲಿ ಕೂಡ ಒಳ್ಳೆ ಜನರಿದ್ದಾರೆ ಎಂದು ಅರಿತರು. ನಗರದಲ್ಲಿ ಹೇಗೆ ನ್ಯಾಯ ಪಡೆಯುತ್ತಾರೆ ಎನ್ನುವ ವಿಧಾನವನ್ನು ಕೆಲ ಜನರು ಆಧಿವಾಸಿಗಳಿಗೆ ತಿಳಿಸಿದರು. ಅವರು ಹೇಳಿದಂತೆ ಕೋರ್ಟಿನಲ್ಲಿ ಕೇಸು ದಾಖಲಿಸಿದರು.